«Я нарадзіўся тут» - у Гайнаўцы праходзіць беларускі летнік

У Музэі і цэнтры беларускай культуры ў Гайнаўцы праходзіць этнаграфічны летнік «Я нарадзіўся тут» для беластоцкіх беларускамоўных вучняў. Моладзь, якая вывучае беларускую мову ў пачатковай школе №4 у Беластоку, прымае ўдзел у розных занятках, цікавіцца кніжкамі, песьнямі ды народнымі ручнікамі – гаворыць настаўніца беларускай мовы Аліна Ваўранюк.

Летнікі ладзяцца з 2004 года беластоцкім Аб’яднаньнем на карысьць дзяцей і моладзі, якія вывучаюць беларускую мову, «АБ-БА». Яны прыходзяць у розных рэгіёнах Беласточчыны, каб моладзь і дзеці маглі лепш пазнаёміцца зь гісторыяй і традыцыямі зямлі, на якой нарадзіліся яны і іх продкі.

З удзельнікамі летніку ў Гайнаўцы гутарыла Анна Пятроўская. Рэпартаж у далучаным гукавым файле.