VІІ Зьезд Беларусаў Сьвету наведаў Макей

Амаль 300 удзельнікаў з 18-ці краінаў прымае ўдзел у VІІ Зьезьдзе Беларусаў Сьвету. Арганізатарам сустрэчы зьяўляецца Згуртаваньне Беларусаў Сьвету „Бацькаўшчына”. Пасьля сёньняшняга пленарнага паседжаньня, дэлегаты працуюць у трох сэкцыях, зь якіх галоўная датычыць тэмы "Беларуская дзяржаўнасьць - станаўленьне, рэаліі, пэрспэктывы".

На гэты раз Зьезд Беларусаў Сьвету наведалі таксама прадстаўнікі беларускага ўраду, у тым ліку міністар замежных справаў Рэспублікі Беларусь Уладзімер Макей. На думку старшыні Рады Згуртаваньня Беларусаў Сьвету “Бацькаўшчына” Ніны Шыдлоўскай гэта дае падставы глядзець з аптымізмам на далейшыя працы над заканадаўствам датычным беларусаў замежжа.

З удзельнікамі зьезду гутарыў Яраслаў Іванюк