Вучні бельскага ліцэя прадставілі ў Варшаве спэктакль пра свайго дырэктара
PR dla Zagranicy
Natalia Szymkowiak
05.12.2017 14:14
У п'есе паказаныя як біяграфія стваральніка беларускага школьніцтва, так і гістарычны фон.
Сцэна з пастаноўкі "Добры дзень, Яраслаў Васільевіч"Фота: Н. Грышкевіч
«Добры дзень, Яраслаў Васільевіч». П’есу пад такім загалоўкам маглі ўбачыць надоечы наведвальнікі Цэнтра праваслаўнай культуры ў Варшаве. У спэктаклі ідзе гаворка пра легендарнага грамадзкага і праваслаўнага дзеяча Падляшша, дырэктара Ліцэя зь беларускай мовай навучаньня ў Бельску Падляскім Яраслава Кастыцэвіча. Сцэнар быў напісаны на падставе ўспамінаў вучняў пэдагога.
Кастыцэвічу прыйшлося жыць у нялёгкія часы. У спэктаклі расказваецца ня толькі пра біяграфію самога стваральніка беларускага школьніцтва ў Бельску, але таксама паказаны гістарычны фон – бежанства, зьмена ўладаў, акупацыя, рэпрэсіі.
У спэктаклі граюць вучні і выпускнікі ліцэя, у якім дырэктарам быў Яраслаў Кастыцэвіч.
Вашай увазе рэпартаж Натальлі Грышкевіч. Слухайце, калі ласка, далучаны гукавы файл