На ўскраіне Белавескай пушчы прагучалі старыя песьні ў новых апрацоўках

Гэта самы маштабны фэстываль такога роду, які ладзіць беларуская меншасьць у Польшчы.

У Гайнаўцы прайшлі цэнтральныя слуханьні 25-га Агульнапольскага фэстывалю ''Беларуская песьня 2018''. На сцэне ў мясцовым доме культуры свае здольнасьці паказалі 65 выканаўцаў: салісты, дуэты, гурты ды хоры. Удзельнікі падабралі разнастайны рэпэртуар.

На Цэнтральным агладзе фэстывалю ''Беларуская песня 2018'' сьпяваў гурт „Гармонь” з вёскі Ласінка Нарваўскай гміны. Выступілі таксама, між іншым, Сьвітанак зь Беластока, саліст Мікалай Варанецкі, калектыў „Цаглінкі”.

Галаканцэрт фэстывалю ''Беларуская песьня 2018'' адбудзецца 16-га лютага ў Беластоцкай Філярмоніі.

Рэпартаж з Гайнаўкі падрыхтаваў Міхась Сьцепанюк.