Кіраўнік МЗС Нідэрляндаў саступіў з пасады за хлусьню пра Пуціна

У траўні 2016 г. будучы міністар на сходзе сваёй Народнай Партыі расказаў, што 10 гадоў таму ён удзельнічаў у сустрэчы з Уладзімірам Пуціным у ягонай рэзыдэнцыі. Там, нібыта, расейскі прэзыдэнт расказваў пра ідэю „Вялікай Русі”, якая павінна складацца з Расеі, Беларусі, Украіны і Прыбалтыкі. Восеньню Зэйлстра быў прызначаны кіраўніком МЗС Нідэрляндаў. Нанятыя міністрам прапагандысты сталі распаўсюджваць гісторыю сустрэчы з Пуціным як аргумэнт супраць меркаваньняў, што Зэйлстра ня мае адпаведнага вопыту.

Калі журналісты сталі дакладна правяраць інфармацыю, то Зэйлстра прызнаўся, што ён ня быў на сустрэчы з Пуціным, а пра „Вялікую Русь” пачуў ад „трэцяй асобы, якая там была”. Сапраўды, у 2006 годзе Хальбэ Зэйлстра быў у Расеі, але калі ягоныя начальнікі сустракаліся з расейскім прэзыдэнтам, ён стаяў за дзьвярыма.

Дырэктар кампаніі Shell Ероэн ван дэр Вээр прызнаўся, што гэта пра яго ідзе гутарка, аднак Зэйлстра „дрэнна зразумеў” – Пуцін „казаў пра Вялікую Русь у гістарычным кантэксьце”, - сказаў ван дэр Вээр.

Парлямэнт прыняў адстаўку Зэйлстры за дзень да сустрэчы з расейскім кіраўніком дыпляматыі Сяргэем Лаўровым.

У Маскве цяпер чакаюць, што Нідэрлянды афіцыйна папросяць у Лаўрова прабачэньня.

Rzeczpospolita/яс