Улады Нью-Ёрку плянуюць перанесьці катынскі помнік
Месца, дзе разьмешчана 12-мэтровая статуя, лічыцца ў Нью-Ёрку вельмі прэстыжным.
Улады Нью-Ёрк плянуюць перанесьці ў іншае месца помнік ахвярам Катынскага злачынства, які цяпер разьмешчаны ў Джэрсі-Сіці, паведамляе актывіст польскай дыяспары ў ЗША Міраслаў Клімчак (Mirosław Klimczak).
Паводле яго, помнік прадстаўніком польскай эліты, якія ў 1940 годзе былі забітыя функцыянэрамі НКУС, будзе перасунуты ў менш прэстыжнае месца, паведамляе „Rzeczpospolita”.
Польскія дэлегацыі падчас візытаў у ЗША вельмі часта ўскладалі да гэтага помніка кветкі й выступалі там з прамовамі.
12-мэтровая статуя была адкрытая ў 1991 годзе. Ейным аўтарам зьяўляецца польскі скульптар Анджэй Пітыньскі (Andrzej Pityński). На пастамэнце зьмешчаны надпіс „Катынь 1940” і барэльеф у памяць палякаў, дэпартаваных у Сыбір.
У 2004 годзе на пастамэнце была таксама зьмешчаная шыльда ў памяць аб ахвярах тэракту на Сусьветны гандлёвы цэнтар.
Месца, дзе разьмешчаны катынскі помнік, лічыцца вельмі прэстыжным. Улады Нью-Ёрку плянуюць перанесьці яго ў менш значны раён горада.
„Я займуся гэтым пытаньнем. Гэты важны для Польшчы й польскай дыяспары помнік павінен застацца ў дадзеным прэстыжным месцы”, - напісала ў Твітары дэпутатка ад кіроўнай партыі „Права й справядлівасьць” Анна Сяркоўска (Anna Siarkowska), якая цяпер знаходзіцца зь візытам у Злучаныя Штаты Амэрыкі, паведамляе „Rzeczpospolita”.
аз
Улады Нью-Ёрку плянуюць перанесьці ў іншае месца помнік ахвярам Катынскага злачынства, які цяпер разьмешчаны ў Джэрсі-Сіці, паведамляе актывіст польскай дыяспары ў ЗША Міраслаў Клімчак (Mirosław Klimczak).
Паводле яго, помнік прадстаўніком польскай эліты, якія ў 1940 годзе былі забітыя функцыянэрамі НКУС, будзе перасунуты ў менш прэстыжнае месца, паведамляе „Rzeczpospolita”.
Польскія дэлегацыі падчас візытаў у ЗША вельмі часта ўскладалі да гэтага помніка кветкі й выступалі там з прамовамі.
12-мэтровая статуя была адкрытая ў 1991 годзе. Ейным аўтарам зьяўляецца польскі скульптар Анджэй Пітыньскі (Andrzej Pityński). На пастамэнце зьмешчаны надпіс „Катынь 1940” і барэльеф у памяць палякаў, дэпартаваных у Сыбір.
У 2004 годзе на пастамэнце была таксама зьмешчаная шыльда ў памяць аб ахвярах тэракту на Сусьветны гандлёвы цэнтар.
Месца, дзе разьмешчаны катынскі помнік, лічыцца вельмі прэстыжным. Улады Нью-Ёрку плянуюць перанесьці яго ў менш значны раён горада.
„Я займуся гэтым пытаньнем. Гэты важны для Польшчы й польскай дыяспары помнік павінен застацца ў дадзеным прэстыжным месцы”, - напісала ў Твітары дэпутатка ад кіроўнай партыі „Права й справядлівасьць” Анна Сяркоўска (Anna Siarkowska), якая цяпер знаходзіцца зь візытам у Злучаныя Штаты Амэрыкі, паведамляе „Rzeczpospolita”.
аз