У Токіо праходзіць першы беларуска-японскі эканамічны форум
PR dla Zagranicy
Natalia Szymkowiak
09.05.2018 14:02
-
беларуска-японскі форум.mp3
"Японцы могуць падзяліцца зь беларусамі тым, што даюць сьвету высокаразьвітыя краіны: тэхналёгіямі і стандартамі".
flickr.com
9 траўня ў Токіо стартаваў першы беларуска-японскі эканамічны форум. Мэта мерапрыемства – актывізацыя інвэстыцыйнага і рэгіянальнага супрацоўніцтва паміж дзьвюма Беларусьсю ды Японіяй. Падчас форуму заплянаваныя прэзэнтацыі інвэстыцыйнага патэнцыялу Беларусі, у тым ліку індустрыяльнага парку «Вялікі камень». Сярод беларускіх удзельнікаў форуму – прадстаўнікі прадпрыемстваў цяжкай і лёгкай прамысловасьці, вытворцы фармацэўтычнай, мяса-малочнай і кандытарскай прадукцыі.
На думку эканаміста Міхася Залескага, японцы могуць падзяліцца зь беларусамі тым, што даюць сьвету высокаразьвітыя краіны: тэхналёгіямі і стандартамі.
«Гэта таксама мэтады кіраваньня вытворчасьцю, сучасныя сродкі вытворчасьці. У сваю чаргу беларускі бок можа прапанаваць некаторыя вырашэньні ў сфэры інтэрнэт-тэхналёгіі, мэдычных прэпаратаў, у фізыцы ёсьць дасягненьні, дакладнай мэханіцы, матэматыкі нядрэнныя ў нас працуюць, гэта тое, што было зьвязана з абаронным комплексам. Усе гэтыя рэчы могуць узаемадзейнічаць».
Поўную гутарку Натальлі Грышкевіч з Міхасём Залескім слухайце ў далучаным гукавым файле.
Беларуска-японскі эканамічны форум працягнецца да 11 траўня.