Многія мясцовасьці Польшчы адрэзаны ад сьвету

Многія мясцовасьці Польшчы аказаліся адрэзаныя ад сьвету. Перарваны рух на дарогах, пашкоджаны масты. Заліты дамы. Павалены дрэвы. Асабліва моцна пацярпела Малая Польшча — рэгіён на поўдні. Усё гэта стала вынікам двухдзённых праліўных дажджоў.

Жыхары падлічваюць страты і з трывогай глядзяць у неба. Моцныя залевы пачаліся ў аўторак. З гадзіны на гадзіну прыбывала вада, а горныя патокі выходзілі з рэчышч і залівалі дарогі. Але найбольшы лівень ахапіў рэгіён вечарам у сераду. Ратавальнікі мусілі выяжджаць штохвіліны на званкі людзей, якія патрабавалі адпампоўваньня вады з залітых участкаў і будынкаў, прыбіраньня паваленых дрэў, а таксама рамонту дарог.

Частка вёсак у сераду аказалася адрэзаная ад сьвету, бо вада паразрывала мясцовыя дарогі і масты, а потом уварвалася ў дамы. Ратавальнікі цэлую ноч рыхтавалі мяхі зь пяском для аховы дамоў ад воднай стыхіі.

Папулярныя турыстычныя шляхі ператварыліся ў патокі вод. Дырэкцыя Татранскага нацыянальнага парку пастанавіла некаторыя зь іх закрыць. Такая ж сытуацыя складалася і па другі бок Татраў — у Славакіі.

Пакуль што прагнозы надвор’я для Малой Польшчы несуцяшальныя. Па-ранейшаму ў рэгіёне дзейнічае трэці, найвышэйшы узровень гідралягічнай небясьпекі.

Gazeta Wyborcza/вк