Расейскія СМІ чарговы раз атакуюць Уладзіміра Макея

Расейскія часта атакуюць кіраўніка беларускага МЗС Уладзіміра Макея. На гэты раз Юры Баранчык, які афіцыйна да гэтага часу знаходзіцца ў вышуку па «справе Рэгнуму», палохае расейскую публіку тым, што роля Ўладзіміра Макея на чале беларускага МЗС «пачынае нэгатыўна адбівацца на будаўніцтве Саюзнай дзяржавы». Ці справядліва Макея называюць прыхільнікам Захаду?

П. Усаў: Расейскія СМІ даўно зьяўляюцца інструмэнтам інфармацыйнай вайны, той жа «Рэгнум». У іх рэгулярна зьяўляюцца артыкулы пра дзейнасьць міністра замежных спраў Макея, якога называюць прадстаўніком заходніх інтарэсаў у Беларусі. Безумоўна, Макей не зьяўляецца такім прадстаўніком. Ён не зьяўляецца прыхільнікам заходняга вэктару разьвіцьця Беларусі і праціўнікам збліжэньня з Расеяй. Гэта ўсё элемэнты гульні Лукашэнкі. Тым ня менш, такія публікацыі сьведчаць пра намер Расеі і жаданьне некаторых расейскіх колаў стварыць умовы для дадатковага эканамічнага і палітычнага ціску на Беларусь, за якім можа ісьці жаданьне інкарпарацыі, зьнешнепалітычнай экспансіі ў дачыненьні да Беларусі. Гэта асноўная мэта, але яна можа дасягацца рознымі мэтадамі. Адным з такіх мэтадаў зьяўляецца дэстабілізацыя рэжыму Лукашэнкі, каб замяніць яго на больш ляяльную асобу, каб цалкам рэалізаваць свае пляны ў адносінах да Менску.

У далучаным гукавым файле камэнтар Паўла Ўсава да апошніх 24 гадоў кіраваньня краінай Лукашэнкам і да адабрэньня ніжняй палатай расейскага парлямэнту кандыдатуры Міхаіла Бабіча на пасаду пасла РФ у Беларусі.

ав