Абвешчаны збор сродкаў для Геніка Лёскі

Усе бачылі яго талент і натуральнасьць, калі ён выйграў першы выпуск X-Factor. На жаль, у траўні гэтага года ў Беларусі музыка перанёс шырокае кровазьліцьцё ў мозгу. Да сёньня ён знаходзіцца ў коме, у якую быў уведзены падчас апэрацыі. У інтэрнэце абвешчаны збор сродкаў, з дапамогай якіх можна будзе забясьпечыць яму годную і прафэсійную апеку.

Пра збор на сваім профілі паведаміў Польскі музычны фонд (Polska Fundacja Muzyczna). Там напісана: «5 траўня 2018 г., калі Генік наведваў сваю маці ў Беларусі, у яго здарыўся шырокі інсульт, яго прааперыравалі ў бальніцы ў Баранавічах толькі праз 11 гадзін. Пасьля гэтай апэрацыі ён яшчэ не прачнуўся. Цяпер Лёска знаходзіцца дома ў маці ў Белаазёрску. Ён усё яшчэ знаходзіцца ў коме, харчуецца праз зонд, дыхае самастойна праз трахеастамію, але ўсё лепш рэагуе, ён чуе, рэагуе на дотык, на словы, на прысутнасьць блізкіх і вельмі хоча прачнуцца. Яшчэ няма магчымасьці і мэдыцынскага дазволу на перавязеньне ў Польшчу, але гэта інтэнсіўна правяраецца», - напісана на сайце.

Фонд арганізуе збор сродкаў для забесьпячэньня належнага дагляду за музыкай.

Генік Лёска выйграў у 2011 годзе першае ў Польшчы выданьне X-Factor. Ён паважаны ў Польшчы блюз- і рок-музыкант.

dziennik.pl/яс