Царкоўны раскол на Ўкраіне працягвае набіраць тэмпы

Расейская праваслаўная царква прыпыніла адносіны з Канстанцінопалем ды разарвала эўхарыстычныя зносіны з Канстанцінопальскім патрыярхатам. Разрыў зьвязаны з рашэньнем сусьветнага патрыярха Варфаламея І прызнаць несапраўдным акт 1686 года аб перадачы Кіеўскай мітраполіі Маскоўскаму патрыярхату, і даць Украінскай праваслаўнай царкве права на аўтакефалію.

Кандыдат навук багаслоўя ды выкладчык Хрысьціянскай багаслоўскай акадэміі ў Варшаве, тлумачыць, чаму гэтае рашэньне, парушае кананічныя правілы.

У канфлікце паміж Маскоўскім і Канстанцінопальскім патрыярхатам з-за пытанЬня аўтакефаліі, беларуская царква заняла бок рускага праваслаўя, паколькі БПЦ ня мае незалежнасьці, і зьяўляецца часткай Маскоўскага патрыярхату.

З а. Андрэям Кузьмам пра сытуацыю вакол аўтакефаліі на Ўкраіне гутарыла Анна Пятроўская.