Сёньня палякі адзначылі Дзень бабулі

Сёньня ў Польшчы адзначаецца Дзень бабулі. І хоць у Беларусі гэтая дата сьвяткуецца ў іншы дзень, то мы вырашылі запытацца ў вядомых беларусаў, якую ролю ў іх жыцьці адыграла бабуля?

Незалежны эканаміст і сацыёляг Міхась Залескі, згадваючы сваіх бабуль, сказаў нам, што гэта «былі нязломныя жанчыны». Адна зь іх ніколі не ўступіла ў калгас, хоць мела на ўтрыманьні шмат дзяцей. Пасьля, на старасьць, з-за гэтага ў яе «пэнсія была рублёў дзевяць альбо дванаццаць».

У сваю чаргу старшыня Таварыства беларускай мовы й дэпутат Палаты прадстаўнікоў Алена Анісім, якая ўжо сама зьяўляецца бабуляй, сказала, што ролю беларускіх бабуль, якія могуць перадаць родную мову сваім унукам, пераацаніць цяжка. Поўныя выказваньні суразмоўцаў – у далучаным гукавым файле.

вс