Logo Polskiego Radia
Print

Мядзьведзь жартаў не разумее!

PR dla Zagranicy
Alaksandar Papko 16.07.2012 15:30
Як паводзіць сябе пры сустрэчы з лясным драпежнікам?

Фота:
Фота: dzietki.org

“Не называй мяне мішкам!” – пад такім лёзунгам Сусьветны фонд дзікай прыроды распачаў кампанію, якая павінна навучыць турыстаў, як паводзіць сябе пры сустрэчах зь мядзьведзямі. У апошнія гады валадары пушчаў усё часьцей сталі нападаць на бесклапотных турыстаў – піша газэта “Metro”. У большасьці выпадкаў агрэсія жывёлаў была выклікана нахабнымі паводзінамі саміх людзей.

Калі вы заўважылі ў лесе мядзьведзя – ні ў якім выпадку не набліжайцеся да яго, не рабіце здымкаў, рэзкіх рухаў. Асьцярожна адыходзьце назад, не паварочвайцеся да зьвера сьпіной. Ніколі не кідайце мядзьведзю ежу. Менавіта звычка шукаць ежу ў чалавека прываблівае драпежнікаў да людзей. На турыстычных сьцежках у запаведніках няма нават бакаў для сьмецьця – каб лясныя жыхары не шукалі ежы на маршрутах, дзе ходзяць людзі.

Мядзьведзя, які спрабаваў накінуцца на чалавека, звычайна адлоўліваюць, і рэшту свайго жыцьця ён праводзіць у няволі. Каб абараніць турыстаў і лясных жыхароў, ва ўсіх польскіх запаведніках раздаюць бясплатныя брашуры пад загалоўкам “Асьцярожна, мядзьведзь!”

Metro/ап

Print
Copyright © Polskie Radio S.A Пра нас Кантакт