У ліцэі імя Тарашкевіча адзначылі гадавіну БНР (ФОТАРЭПАРТАЖ)

Сёлета вучні ІІ-га Агульнаадукацыйнага ліцэя зь беларускай мовай навучаньня імя Браніслава Тарашкевіча ў Бельску Падляскім на Беласточчыне адзначылі Дзень Волі крыху раней. Урачыстасьць супала зь першым днём вясны, бо й абвяшчэньне незалежнасьці Беларускай Народнай Рэспублікі стала нібыта подыхам вясны для беларусаў – сказаў падчас адкрыцьця ўрачыстасьці дырэктар школы Андрэй Сьцепанюк.

Вучні старэйшых клясаў ліцэя паглядзелі фільм "Сярожа" Юркі Каліны, які распавядае пра гісторыю беларусаў Беласточчыны ў пасьляваенны час. А моладзь з малодшых клясаў прыняла ўдзел у спартыўных спаборніцтвах. Рэпартаж Яраслава Іванюка.

рэпартаж у далучаным гукавым файле

фотаздымкі: Яраслаў Іванюк/Беларуская служба