Лад жыцьця можа палегчыць сымптомы дэмэнцыі
PR dla Zagranicy
Jolanta Śmiałowska
20.07.2017 16:27
Найбольш важным зьяўляецца слых - яго страта спрыяе дэмэнцыі.
pixabay. com/Public Domain
Правільны лад жыцьця можа палегчыць сымптомы дэмэнцыі ў пажылых людзей. Так кажуць брытанскія дасьледчыкі, якія выявілі дзевяць фактараў, неабходных для правільнага функцыянаваньня мозгу. Адмысловая публікацыя зьмешчана ў мэдыцынскім часопісе «The Lancet».
Найбольш важным зьяўляецца слых - яго страта спрыяе дэмэнцыі. Вельмі важнае значэньне адыгрывае адукацыя, запатрабаваная прынамсі сярэдняя.
Далей у сьпісе чыньнікаў, что спрыяюць дэмэнцыі, зьяўляецца курэньне цыгарэт, дэпрэсія і адсутнасць фізычнай актыўнасьці. Іншыя фактары - гэта сацыяльная ізаляцыя, гіпэртанія, атлусьценьне й дыябэт.
“З гэтымі звычкамі й хваробамі трэба абавязкова змагацца”, - кажа аўтарка дасьледаваньня прафэсар Гіл Лівінгстан (Gill Livingston) з Лёнданскага ўнівэрсытэту.
“У людзей часта назіраецца некалькі з гэтых фактараў адначасова. Хтосьці можа мець дыябэт, залішнюю вагу, курыць і фізычна неактыўны”, - зазначае Гіл Лівінгстан.
Навукоўцы прызнаюць, што большасьць сімптомаў дэмэнцыі зьяўляецца ў любым выпадку. Але ў нейкай меры іх можна прадухіліць. І, як падкрэсьлівае прафэсар Лівінгстан, ніколі на гэта ні занадта рана, ні занадта позна.
яс