У Кракаве жанчына пранікла ў чужую кватэру і...у ёй прыбрала

У Кракаве бяздомная 55-гадовая жанчына пранікла ў чужую кватэру і... у ёй прыбрала.

Вечарам жанчына хадзіла ад дому да дому і ў паштовых скрынках правярала, ці ніхто не пакінуў ключы ад кватэры. У адным з пад’ездаў ёй удалося іх знайсьці. Яна зайшла ў кватэру, прыняла душ і лягла спаць. Раніцою бяздомная зьела сьнеданьне, выпіла каву, і ў знак падзякі за гасьціннасьць вырашыла прыбраць у кватэры. Яна зрабіла дакладную ўборку ва ўсіх памяшканьнях ды нават памыла вокны!

Навёўшы парадак, кабета апранула адзеньне з шафы гаспадароў і спакойна выйшла з кватэры. І якраз у момант, калі яна закрывала дзьверы, прыйшоў гаспадар кватэры, які выклікаў паліцыю. Цяпер кракаўская пракуратура думае, па якому артыкулу абвінаваціць жанчыну.

вс