Немагчыма ўявіць сьвет без друку 3D

Кітайцы выкарыстоўваюць гэты мэтад да будаўніцтва шматпавярховых дамоў. У Дубаі надрукавалі офісны будынак, інтэрʼеры якога таксама запоўніліся вытворчасьцю з прынтараў 3D. Друкаваньне працягвалася 17 дзён.

На паказах моды ўсё часьцей можна ўбачыць незвычайную вопратку. Мадэлье спачатку сканавалі, потым мадэльер у кампутары спраектаваў адзеньне, якое надрукавалі прынтары 3D. Гэта пакуль яшчэ ня надта выгадная вопратка, затое вельмі арыгінальная.

Падобным чынам выглядае справа з харчамі, якія таксама можна друкаваць. На прынтары Foodini катлеты з бульбай яшчэ немагчыма вычараваць, але рознага кшталту коржыкі – так. Усё бліжэй да прынтараў мяса. Першы гамбургер са ствалавых клетак каровы быў надрукаваны ў Англіі, аднак кошт мяса астранамічны.

Затое прынтары 3D вельмі добра спраўджваюцца ў стаматалягічных кабінэтах, дзе спраўна друкуюць імплянтанты зубоў.

Прынтары для будаўніцтва дамоў, штучных зубоў, плястмасавых частак, або ежы – гэта іншыя прылады. Іх спалучае толькі ідэя друку. Друкаваны абʼект узьнікае ў выніку накладаньня й фіксацыі тоненькіх слаёў рэчыва. Гэта можа быць мэталь, плястык, каўчук, папера, бэтон, гіпс, шакаляд, цукар. Да фіксацыі ўсіх слаёў выкарыстоўваецца лазэр, УФ -выпраменьваньне, ультрагук.

Сёньня друк 3D уключаецца ў лік найважнейшых тэхналёгій будучыні, побач са штучнай інтэлігенцыяй, віртуальнай рэчаіснасьцю ды інтарнэтам рэчаў. Буйныя кампаніі заяўляюць, што яны ўжо ня бачаць магчымасьці існаваньня без прынтараў 3D.

Polityka/яс