Навукоўцы распрацоўваюць нябачныя матэрыялы

Палякі распрацоўваюць новыя матэрыялы з унікальнымі аптычнымі ўласьцівасьцямі для прымяненьня ў мэдыцыне і оптаэлектроніцы.

Аб'ектам дасьледаваньня польскіх навукоўцаў, у прыватнасьці, зьяўляюцца метаматэрыялы з адмоўным паказчыкам праламленьня, што робіць іх часткова нябачнымі. Аказваецца, што дэфармацыя прасторы й часу становіцца ўжо ня толькі фантазіяй. Ня выключана, што з часам людзі навучацца зьмяняць мінулае.

Навукоўцы з Варшаўскага ўнівэрсытэту распрацоўваюць таксама матэрыялы, якія выкарыстоўваюцца ў фотадынамічнай тэрапіі рака. Гэты мэтад дазваляе ўбачыць анкалягічныя зьмены, нябачныя ў белым сьвятле. Лячэньне заснаванае на дакладным вызначэньні й зьнішчэньні пухліннай тканкі пры дапамозе сьвятла з вызначанай даўжынёй хвалі.

яс