Навукоўцы стварылі адзеньне, якое папярэджвае пра смог

Аксіды азоту зьяўляюцца адным з самых небясьпечных кампанэнтаў выхлапных газаў аўтамабіляў. У прыватнасьці, двухвокіс азоту – прычына сардэчна-сасудзістых хвароб і захворваньняў лёгкіх сярод гарадзкіх жыхароў.

Карэйскія дасьледчыкі з Навукова-дасьледчага інстытуту электронікі й тэлекамунікацыі Konkuk University стварылі датчык, які бесьперапынна маніторыць навакольнае паветра.

Дэтэктары выхлапных газаў выкарыстоўваюцца ўжо доўгі час, але гэта як правіла стацыянарныя датчыкі. Карэйцы вырашылі стварыць мініяцюрную прыладу, якую можна, напрыклад, зашыць у куртку ці паліто.

Канструкцыя простая й заснаваная на баваўняным провадзе, які зьмешчаны ў пласт аксіду графэну. Гэты провад злучае батарэю з дыёдам LED. Аксід графэну зьяўляецца правадніком, але не ва ўсіх умовах.

Калі колькасьць газу нізкая, яго праводнасьць нулявая. З павелічэньнем канцэнтрацыі атрутнага газу павялічваецца праводнасьць аксіду графэну. На практыцы дыёд пачынае сьвяціць мацней.

Датчык на аснове баваўнянага проваду мае перавагу ў тым, што ён гнуткі, а навукоўцы таксама зрабілі яго воданепранікальным. Такім чынам, датчык смогу можа быць лёгка ўшыты ў штодзённую вопратку.

яс