Запрашаем у крэпасьць „Сярэбраная гара”(ФОТА)
Крэпасьць „Сярэбраная гара” – гэта адзін з найцікавейшых і найбуйнейшых ваенных аб’ектаў у Эўропе.
Сёньня я запрашаю ў невялікую вёску ў Ніжняй Сылезіі, якая называецца Сярэбраная гара (Srebrna Góra). Менавіта тут прусакі, якія ў 1740 годзе занялі Сылезію, пабудавалі адзін са сваіх ваенных аб’ектаў. Гаворка ідзе пра крэпасьць „Сярэбраная гара” – гэта адзін з самых цікавых і найбуйнейшых падобнага роду ваенных аб’ектаў у Эўропе. Менавіта па гэтай прычыне кожны, хто цікавіцца ваеннай гісторыяй, павінен наведаць гэтае месца.
Будаўніцтва ваеннага комплексу пачалося ў 1765 годзе. Яго галоўным архітэктарам быў прускі інжынэр Уільям Людвік Рэглер (Ludwik Wilhelm Regler). Аднак на канчатковы кшталт архітэктурнага праекту меў уплыў таксама сам Фрыдрых ІІ Вялікі, то бок кароль Прусіі, пад кіраўніцтвам якога згаданая дзяржава стала адной з асноўных эўрапейскіх імпэрыяў.
Будаўніцтва крэпасьці было велізарнай інвэстыцыяй, якая працягвалася цягам 12 гадоў і каштавала больш за 1,5 мільёна талераў. Пры будаўнічых працах былі задзейнічаныя каля 4 тысяч рабочых.
Аб’ект быў пабудаваны з мэтай абараняць Сылезію ад магчымых атакаў з боку іншых армій. Паводле плянаў, у крэпасьці мелі дысьлякавацца каля 3 700 жаўнераў, а ў выпадку неабходнасьці, іх колькасьць магла быць павялічаная нават да 5 000. Склады аб’екту маглі захоўваць прадукты харчаваньня й паліва на час трохмесячнай аблогі.
Росквіт аб'екту супаў з гадамі праўленьня Фрыдрыха ІІ Вялікага й працягваўся да яго сьмерці ў 1800 годзе.
У XVIII стагодзьдзі ў крэпасьці двойчы ўводзіўся стан баявой гатоўнасьці, але ейная абароназдольнасьць на практыцы была правераная толькі раз - падчас напалеонаўскіх войнаў. Крэпасьць знаходзілася пад аблогай з 28 чэрвеня па 9 ліпеня 1807 году, то бок да часу заключэньня Тыльзіцкага перамір’я. Але нават тады французам не ўдалося здабыць комплекс.
У XIX стагодзьдзі крэпасьць паступова страчвала сваё значэньне. У 1860 годзе была загаданая ліквідацыя аб’екту. Гэтае рашэньне выклікала супраціў з боку мясцовых жыхароў. У 1867 годзе адбыўся ўрачысты вывад войскаў, а крэпасьць перастала быць вайсковым аб'ектам. Пазьней комплекс выкарыстоўваўся ў якасьці выпрабавальнага палігона. Аб’ект служыў таксама ў якасьці турмы.
Гэткае дэструктыўнае стаўленьне да славутага ваеннага комплексу працягвалася менш чым 10 гадоў.
На шчасьце, адносна хутка быў заўважаны яго турыстычны патэнцыял. Першыя турысты маглі наведаць крэпасьць у другой палове XIX стагодзьдзя й з таго часу яна пачала паступова пераўтвараюцца ў цікавы аб'ект для турыстаў.
У канцы XIX стагодзьдзя прызначэньне крэпасьці было цалкам зьмененае. Комплекс пераўтварыўся ў асноўны пункт на турыстычнай мапе рэгіёну. Гэтую тэндэнцыю прыпыніла Другая сусьветная вайна, падчас якой у крэпасьці быў створаны лягер для ваеннапалонных і зьняволеных польскіх афіцэраў. Пасьля заканчэньня вайны аб’ект быў разрабаваны савецкімі жаўнерамі. Таму вяртаньне яго турыстычных козыраў заняло некаторы час.
Новае жыцьцё гістарычны аб’ект атрымаў у 1965 годзе, калі тут былі праведзеныя рамонтныя працы. У выніку ваенны комплекс зноў захапляе і нагадвае пра сваю былую славу.
На тэрыторыі крэпасьці дзейнічае, між іншым, музэй цяжкога ўзбраеньня й мэмарыяльная заля. Наведваць яго можна зь гідам, які, дарэчы, заўсёды носіць прускі мундзір, каб нагадваць турыстам пра часы росквіту крэпасьці.
аз
Сёньня я запрашаю ў невялікую вёску ў Ніжняй Сылезіі, якая называецца Сярэбраная гара (Srebrna Góra). Менавіта тут прусакі, якія ў 1740 годзе занялі Сылезію, пабудавалі адзін са сваіх ваенных аб’ектаў. Гаворка ідзе пра крэпасьць „Сярэбраная гара” – гэта адзін з самых цікавых і найбуйнейшых падобнага роду ваенных аб’ектаў у Эўропе. Менавіта па гэтай прычыне кожны, хто цікавіцца ваеннай гісторыяй, павінен наведаць гэтае месца.
Будаўніцтва ваеннага комплексу пачалося ў 1765 годзе. Яго галоўным архітэктарам быў прускі інжынэр Уільям Людвік Рэглер (Ludwik Wilhelm Regler). Аднак на канчатковы кшталт архітэктурнага праекту меў уплыў таксама сам Фрыдрых ІІ Вялікі, то бок кароль Прусіі, пад кіраўніцтвам якога згаданая дзяржава стала адной з асноўных эўрапейскіх імпэрыяў.
Будаўніцтва крэпасьці было велізарнай інвэстыцыяй, якая працягвалася цягам 12 гадоў і каштавала больш за 1,5 мільёна талераў. Пры будаўнічых працах былі задзейнічаныя каля 4 тысяч рабочых.
Аб’ект быў пабудаваны з мэтай абараняць Сылезію ад магчымых атакаў з боку іншых армій. Паводле плянаў, у крэпасьці мелі дысьлякавацца каля 3 700 жаўнераў, а ў выпадку неабходнасьці, іх колькасьць магла быць павялічаная нават да 5 000. Склады аб’екту маглі захоўваць прадукты харчаваньня й паліва на час трохмесячнай аблогі.
Крэпасьць „Сярэбраная гара”.By Jacek Halicki - Praca własna, CC BY 3.0, https:// commons.wikimedia.org/w/index.php?curid=50437687
Росквіт аб'екту супаў з гадамі праўленьня Фрыдрыха ІІ Вялікага й працягваўся да яго сьмерці ў 1800 годзе.
У XVIII стагодзьдзі ў крэпасьці двойчы ўводзіўся стан баявой гатоўнасьці, але ейная абароназдольнасьць на практыцы была правераная толькі раз - падчас напалеонаўскіх войнаў. Крэпасьць знаходзілася пад аблогай з 28 чэрвеня па 9 ліпеня 1807 году, то бок да часу заключэньня Тыльзіцкага перамір’я. Але нават тады французам не ўдалося здабыць комплекс.
У XIX стагодзьдзі крэпасьць паступова страчвала сваё значэньне. У 1860 годзе была загаданая ліквідацыя аб’екту. Гэтае рашэньне выклікала супраціў з боку мясцовых жыхароў. У 1867 годзе адбыўся ўрачысты вывад войскаў, а крэпасьць перастала быць вайсковым аб'ектам. Пазьней комплекс выкарыстоўваўся ў якасьці выпрабавальнага палігона. Аб’ект служыў таксама ў якасьці турмы.
Гэткае дэструктыўнае стаўленьне да славутага ваеннага комплексу працягвалася менш чым 10 гадоў.
Крэпасьць „Сярэбраная гара” . By Jacek Halicki - Praca własna, CC BY 3.0, https:// commons.wikimedia.org/w/index.php?curid=50451717
На шчасьце, адносна хутка быў заўважаны яго турыстычны патэнцыял. Першыя турысты маглі наведаць крэпасьць у другой палове XIX стагодзьдзя й з таго часу яна пачала паступова пераўтвараюцца ў цікавы аб'ект для турыстаў.
У канцы XIX стагодзьдзя прызначэньне крэпасьці было цалкам зьмененае. Комплекс пераўтварыўся ў асноўны пункт на турыстычнай мапе рэгіёну. Гэтую тэндэнцыю прыпыніла Другая сусьветная вайна, падчас якой у крэпасьці быў створаны лягер для ваеннапалонных і зьняволеных польскіх афіцэраў. Пасьля заканчэньня вайны аб’ект быў разрабаваны савецкімі жаўнерамі. Таму вяртаньне яго турыстычных козыраў заняло некаторы час.
Крэпасьць „Сярэбраная гара” .By Jacek Halicki - Praca własna, CC BY 3.0, https:// commons.wikimedia.org/w/index.php?curid=50450861
Новае жыцьцё гістарычны аб’ект атрымаў у 1965 годзе, калі тут былі праведзеныя рамонтныя працы. У выніку ваенны комплекс зноў захапляе і нагадвае пра сваю былую славу.
На тэрыторыі крэпасьці дзейнічае, між іншым, музэй цяжкога ўзбраеньня й мэмарыяльная заля. Наведваць яго можна зь гідам, які, дарэчы, заўсёды носіць прускі мундзір, каб нагадваць турыстам пра часы росквіту крэпасьці.
аз